2026 сылга Саха сиригэр бэрэсидьиэн субсидиятынан «Дальневосточные дворы» бырагыраама чэрчитинэн сэттэ тиэргэни тупсарыахтара. Ол курдук, үлэни Дьокуускайга, Нерюнгрига, Алдаҥҥа, ону таһынан Томпо, Ньурба, Мэҥэ Хаҥалас уонна Булуҥ улуустарыгар ыытыахтара. Биэдэмистибэ бэлиэтээбитинэн, талыы куонкуруһа 2025 сыл сэтинньитигэр ыытыллыбыт: 22 сайаапкаттан сэттэ тупсарыы бырайыагын талбыттар.
Санатан эттэххэ, ааспыт сылга Саха сиригэр Дьокуускайга, Нерюнгрига уонна Бүлүүгэ 14 тиэргэни саҥардыбыттар. «Дальневосточные дворы» бырагыраама 2022 сылтан Россия бэрэсидьиэнин Владимир Путин сорудаҕынан уонна «Олоххо анаммыт инфрастуруктура» национальнай бырайыак чэрчитинэн олоххо киирэр. Уопсайа өрөспүүбүлүкэҕэ бырагыраама үлэлиир кэмигэр 200-тэн тахса тиэргэн уонна уопсастыбаннай миэстэ саҥардыллыбыт.
