Бэс Күөлүгэр хотоннору тутан саҕалаатылар

Агропромышленнай тэрилтэлэр биригээдэлэрэ Горнай Бэс Күөлүгэр баһаар кэннэ хотоннору тута тиийдилэр. Манна уопсайа 223 ынах турар хотонноро уонна 100 миэстэлээх улахан комплекс уокка былдьаммыта.
«Сахаагроплем», «Якутский скот», птицефабрика, ветеринария департаменын, «ЦРО АПК», «Туймаада» ФАПК, сири оҥоруу сулууспатын үлэһиттэрэ сэттэ биригээдэ буолан тутууга көмөлөһөр былааннаахтар. Билигин биэс биригээдэ миэстэтигэр үлэлии сылдьар.

100 миэстэлээх хотон тутуута эмиэ саҕаланна. «Хаҥалас-Тутуу» хампаанньа билигин күрүөлэрин оҥорор. Балаҕан ыйын бүтүүтэ үлэ түмүктэниэхтээх.