Ил Дархан Айсен Николаев «Россия 24» ханаал быһа эппииригэр, Бэс Күөлүгэр ойуур баһаарыттан эмсэҕэлээбит дьиэлэри алтынньы 10 күнүгэр диэри сөргүтэн оҥоруохтаахтарын туһунан эттэ.
«Биһиэхэ ыксаллаах быһыы-майгы эрэһиимэ бэс ыйын 23 күнүттэн үлэлиир. Күүстээх тыал түһэн бу өрөбүллэргэ баһаар Бэс Күөл сэлиэнньэтигэр киирбитинэн, хомойуох иһин, өрөспүүбүлүкэ үрдүнэн ыксаллаах быһыыны биллэрдибит. Уоту утары охсуһар эр санаалаах дьоммут көмөлөрүнэн уоту тохтоттубут, ол эрээри сэлиэнньэ олорор дьиэтин 10%-на умайда. Ол быһыытынан, маннык усулуобуйаҕа балаһыанньа мөлтөөбөтүн туһугар, Саха сирин нэһилиэнньэлээх пууннарыгар ыксаллаах быһыы-майгы эрэһиимин киллэрэр бырааптаахпын», — диэтэ кини.
Айсен Николаев, билигин Бэс Күөлгэ хотоннорун, сүөһүлэрин уонна уонна кыстыкка бэлэмнэммит отторун сүтэрбит дьоҥҥо көмө оҥоһулларын бэлиэтээтэ.
«Баһаартан эмсэҕэлээбит дьиэлээх 18 оҕо «Орленок» лааҕырга көттө. Алта аҕам саастаахтар чөлгө түһэрэр кииҥҥэ киирдилэр. 188 киһиэхэ 30-туу тыһыынчаны ыытар туһунан быһаарыы ыллыбыт», — диэн Ил Дархан эбэн эттэ.
САха сирин салайааччыта этэринэн, өрөспүүбүлүкэҕэ ойуур баһаардарын умуруорууга дьаһаллары ылаллар, миэстэтигэр балаһалары оҥороллор уонна утары уоту ыыталлар.
