Уус Алдаҥҥа Бороҕон спортивнай комплексын тутуута 66% буолбут. Бу туһунан сэтинньи 18 күнүгэр тутууга суһал штаб мунньаҕар иһитиннэрбиттэр. Бу күннэргэ бастакы этээс иһин оҥорон саҕалыахтара.
Бороҕоҥҥо 450 миэстэлээх оскуолаҕа уу, уот тардаллар. Тутуу бэлэмэ – 81%. Айсен Николаев Сунтаарга бассейннаах спортивнай комплекс тутуута хойутаан иһэрин бэлиэтээбит.
«Сыл бүтэн эрэр, оттон хас да тутуу хойутаан иһэр. Сунтаарга уонна Бороҕоҥҥо спортивнай комплекс тутуута былаантан хаалан иһэр. Сүрүн кыһалҕа — бэдэрээтчиттэр графигы тутуспаттар. Эбээһинэстэрин толорбохтохторуна, миэрэ ылыныахпыт. Национальнай бырайыактар сөбүгэр олоххо киириэхтээхтэр», – диэбит Ил Дархан.
