Сэтинньи 23-24 күннэригэр саха тылын, литературатын уонна култууратын учууталларын II-с өрөспүүбүлүкэтээҕи сийиэһэ ыытыллар.
Сийиэскэ Саха сирин араас муннугуттан 500 дэлэгээт кыттара былааннанар.
Сийиэс бастакы күнүгэр, сэтинньи 22 күнүгэр Ил Түмэҥҥэ сийиэс делегаттарын кытта көрсүһүү, СӨ Ил Дарханыгар Саха Өрөспүүбүлүкэтин тылларын сайыннарыыга Сүбэтин мунньаҕа, «Родные языки народов России в пространстве единого открытого образования: возможности и перспективы» Бүтүн Россиятааҕы «төгүрүк остуол» уо.д.а. тэрээһиннэр буоллулар.
Сийиэс иккис күнүгэр, сэтинньи 23 күнүгэр «Саха тылын билиҥҥи туруга уонна кэскилэ» сүрүн мунньах, «Ийэ тылбыт-барҕа баайбыт» (быыстапка үлэтэ), «Төрөөбүт тылынан иитии-үөрэтии» түһүлгэнэн үлэлэр, «Төрүт тыллар» портал түһүлгэтэ былааннанар.
Сийиэс үһүс күнүгэр, сэтинньи 24 күнүгэр саха тылын, литературатын, култууратын үөрэтии концепциятын ырытыы (бырайыактыыр сиэссийэ), кэпсэтиһии, санаа атастаһыы (дискуссия) түһүлгэлэрэ, үөрэтиигэ-иитиигэ туһуламмыт тэрээһиннэр ыытыллыахтара.
Сэтинньи 25 күнүгэр Олоҥхо декадатын тэрээһиннэрэ былааннаналлар.
