«Анаабыр алмаастара» хампаанньа Булуҥ оройуона социальнай, экономическай сайдыытыгар үп-харчы ыытыаҕа. Бу туһунан тэрилтэ пресс-сулууспата иһитиннэрэр.
Бииргэ кыттыһан үлэлиир туһунан докумуоҥҥа илии баттанна.
«Хампаанньаттан көрүллэр үп-харчы олорор дьиэ пуондатын саҥардыыга, тырааныспарынан хааччыллыыга уонна улуус инфраструктуратын сайыннарыыга сибээстээх атын хайысхаларга ыытыллыаҕа», — диэн иһитиннэрииг этиллэр.
Улуус баһылыга Афанасий Андросов этэринэн, Күһүүргэ уһуйаан тутуутугар былаанныыр үлэлэр ыытыллыахтара, Сииктээххэ оскуола-уһуйаан бырайыактыыр-сметнэй документацията оҥоһуллуоҕа.
Ону таһынан сөбүлэһии табаны иитиини өйөөһүҥҥэ көмөлөһүөҕэ.
