Өрөспүүбүлүкэ үөрэҕин кыһаларыгар барыллаан көрдөрүүнэн уопсайа 6905 киһи туттарсыбыт.
Быйыл үөрэх бары көрүҥэр вузтар 28 729 сайабылыанньаны туппуттар. Үгүс сайабылыанньа медицинскэй, гуманитарнай уонна инженернэй-техническэй хайысхалаах үөрэхтэргэ киирбит.
Анал байыаннай дьайыы кыттыылаахтара уонна кинилэр оҕолоро үөрэхтэргэ анал квотанан туттарсыбыттар. Уопсайа 188 киһини үөрэххэ ылбыттар, ол иһигэр 35 киһи СВО кыттыылааҕа, байыас дьиэ кэргэнин чилиэттэриттэн 153 киһи.
Хотугулуу-Илиҥҥи федеральнай университекка 5019 устудьуон туттарсыбыт.
«Мин ХИФУ юридическай факультетыгар туттарсыбыппыттан олус үөрэбин. Манна хаачыстыбалаахтык үөрэтэллэр. Күннэтэ мин саҥаттан саҥаны билэбин. Инникитин мин быраабы араҥаччылыыр уорганнарга үлэлиэхпин баҕарабын, ол иһин мин юриспруденцияны талбытым. Бэйэм Булуҥ улууһун Тиксии бөһүөлэгиттэн төрүттээхпин, Арктикатааҕы гимназияны бүтэрбитим. Үөрэҕим кэнниттэн аймахтарбар төннөр былааннаахпын уонна төрөөбүт оройуонум туһугар үлэлиэм», — диэн Кира Иванова эттэ.
