2025 сылга Таатта улууһугар үлэлии турар 3 улахан түмэлгэ СӨ бырабыыталыстыбатын уонна Россия культураҕа министиэристибэтин көмөтүнэн, Ил Түмэн судаарыстыбаннай мунньах быһаччы өйөбүлүнэн хапытаалынай өрөмүөн ыытылынна.
Ол курдук, улуус киинигэр баар «Таатта» литературнай- художественнай түмэлгэ кэтээн көрөр камералар турдулар, хаһаайыстыбаннай эбийиэктэр өрөмүөннэннилэр. Чөркөөххө политссылка түмэлигэр тас күрүөтэ саҥардылынна, Былатыан Ойуунускай аатынан Судаарыстыбаннас түмэлигэр толору хааччыллыы үлэтиттэн саҕалаан уот, ититэр ситим өттүгэр үлэ барда.
Бу күннэргэ өрөмүөн үлэтин Ил Түмэн Бэрэссэдээтэлэ Алексей Еремеев көрдө. Уонна эһиилги сылга үлэ иккис түһүмэҕэр эбии харчы көрүллүбүтүн иһитиннэрдэ.
