Алтынньы 2 күнүгэр Хаҥалас улууһун Чапаево сэлиэнньэтигэр 2024 сыл алтынньы 31 күнүттэн сэтинньи 3 күнүгэр диэри буолар II-с өрөспүүбүлүкэтээҕи «Николаев форума: патриотизм уонна үөрэҕирии» тэрээһини бэлэмнииргэ уонна тэрийиигэ тэрийэр кэмитиэт мунньаҕа буолан ааста.
Тэрийэр кэмитиэккэ СӨ норуодунай депутаттара, СӨ бырабыыталыстыбатын чилиэттэрэ, ону тэҥэ Ил Түмэн иһинэн үлэлиир Ыччат парламенын бэрэстэбиитэллэрэ киирдилэр.
СӨ бастакы бэрэсидьиэнэ Михаил Николаев аатын сүгэр форум патриотическай сыаннастары бөҕөргөтүүгэ уонна регион ыччатыгар үөрэтэр-сырдатар үлэни ыытар сыаллаах-соруктаах. Тыа сирин эдэр ыччатын үөрэтиигэ улахан болҕомтону ууруохтара. Бастыҥ бырайыактар инникитин өссө кэҥээн-тэнийэн сайдар кыаҕы ылыахтара.
Саха Өрөспүүбүлүкэтин бастакы бэрэсидьиэнэ Михаил Николаев аатын үйэтитэр 2-с Николаевскай форум Иркутскайдааҕы ньиэп хампаанньатын, «Саха сирин тимир суоллара акционернай хампаанньа» АУо, «Анаабыр алмаастара» АУо, СӨ бастакы бэрэсидьиэнин пуондатын өйөбүлүнэн ыытыллар.
Информационнай партнердар: НВК «Саха», «Якутия 24», «РИИХ Сахамедиа» АУо, ЯСИА, Якутия Daily, Саха Сирэ, ГАУ РС(Я) «Сахапечать», Ulus Media.
