«Чохоон» оҕо ханаала видео куонкуруһун биллэрэр

Күндү оҕолор, төрөппүттэр, болҕойуҥ, куонкурус!
«Чохоон», эһиэхэ, көрөөччүлэригэр анаан видео күрэҕин биллэрэр. Сөбүлүүр дьарыгыҥ туһунан устан биһиэхэ chokhoon@mail.ru почтаҕа ыыт. Видео сахалыы тылынан буолара ирдэнэр, видео аата, ааптар аата-суола, нэһилиэгэ/куората, улууһа ыйыллара булгуччулаах. Кыттааччы сааһа – 12-гэр диэри. Кыайыылааҕынан биһиги ютуб-ханаалбытыгар саамай элбэх «лайк» хомуйбут видео ааттаныаҕа. Видеону сэтинньи 30 күнүгэр диэри тутабыт. Куоластааһын ахсынньы 1-16 күннэригэр буолуоҕа. Түмүк ахсынньы 16 күнүгэр киэһэ 18.00 чааска nvksakha инстаграмыгар тахсыаҕа. Бастакы үс кыайыылаах сыаналаах бирииһинэн наҕараадаланыаҕа! Көхтөөхтүк кыттыҥ!