Нерюнгри оройуонун Чульман бөһүөлэгэр киирии суолу асфальт бүрүһүөннээһин бэс ыйын 30 күнүгэр түмүктэниэҕэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.
1300 миэтэрэ уһуннаах суол кэрчигин өрөмүөннээһин үлэлэрин ыытыыга 17,5 мөлүйүөн солкуобай суумалаах субсидия уонна муниципальнай тэриллии бүддьүөтүттэн 2,1 мөлүйүөн солкуобай үп көрүллүбүтэ бэлиэтэнэр.
Бэдэрээччит билигин суол кырсын көннөрүү уонна дьаамалары өрөмүөннээһин үлэлэрин ыытар. Асфальт бүрүһүөннээһин бэс ыйын 30 күнүгэр түмүктэнэрэ былааннанар.
Маны тэҥэ Нерюнгри куорат Карл Маркс аатынан улууссатын асфальт бүрүһүөннээһин түмүктэнэн эрэр. Бу сыалга быйыл, 2020 сылга өрөспүүбүлүкэтээҕи суол пуондатыттан 18 мөлүйүөн солкуобай кэриҥэ суума көрүллүбүтэ.
В 2021 сылга уопсай туһаныы суолларын өрөмүөннээһин былааныгар олоҕуран, Авиатордар бөһүөлэктэригэр эмиэ асфаллааһын үлэлэрэ ыытыллыахтара. Ол үлэ 18,4 мөлүйүөн солкуобайынан сыаналанар.
