Чурапчы улууһугар Ыһыах дистанционнай быһыылаах ыытыллыаҕа. Бу туһунан улуустааҕы дьаһалта пресс-сулууспата иһитиннэрэр.
«Ил Дархан Айсен Николаев муниципалитеттарга, эпидемиологическай быһыыны-майгыны учуоттаан, ыһыаҕы хайдах ыытары бэйэлэрэ быһааралларыгар биэрбитэ. Коронавирустан олохтоммут уустук балаһыанньанан 2021 сылга биһиэхэ Ыһыах онлайн быһыылаах ыытыллыаҕа», — диэн улуус баһылыга Андрей Ноговицын эттэ.
Сүрүн тэрээһин Маҕаайы алааһыгар ыытыллыаҕа. Култуурнай бырагыраамаҕа вакцинацияны толору ааспыт эрэ дьон кыттыыны ылыахтара.
Тэрээһин инфекция тарҕаныытын сэрэтэр бары санитарнай ирдэбиллэри тутуһан ыытыллыаҕа — мааскалаах уонна бэрчээккэлээх сылдьыы, илиини уонна дьиэ иһин дезинфекциялааһын, социальнай арыты тутуһуу.
