Олунньу 7-9 күннэригэр Чурапчы улууһун Чурапчы сэлиэнньэтигэр Г.Р.Десяткин — Күүстээх Дэһээккин аатынан мас тардыһыыга эр дьон, дьахталлар уонна бэтэрээннэр ортолоругар Саха сирин чемпионата ыытыллар.
Манна өрөспүүбүлүкэ 30 оройуонуттан 500 мадьыны кыттыыны ылара күүтүллэр.
Күрэхтэһии быһа эпииргэ «Мамонт» телеханаалга, «Саха» НКИХ мобильнай сыһыарыытыгар көстүөҕэ. Ону тэҥэ Чурапчыттан спорт сонуннарын бу өрөбүллэргэ биһиги социальнай ситимнэрбитигэр көрүҥ, ааҕыҥ, сэргээҥ.
Кыайыылаахтар «Манчаары оонньууларын» финалыгар тахсаллар.
Быһа эпиир бырагыраамата:
Олунньу 8 күнэ, субуота:
9:00 — 13:00 — барыллаан киирсиилэр
13:00 — 14:00 – эбиэт
14:00 — 15:00 — чөмпүйэнээт үөрүүлээх арыллыыта
15:00 — 18:00 — барыллаан киирсиилэр, ону тэҥэ полуфиналга уонна финалга тахсар киирсиилэр
Олунньу 9 күнэ, өрөбүл:
9:00 — 13:00 — барыллаан киирсиилэр
13:00 — 14:00 – эбиэт
14:00 — 15:00 — барыллаан киирсиилэр
15:00 — 18:00 — полуфинал уонна финал
Хаартыска: Дьулустан Сергеев / ЯСИА
