Чурапчыга кытаанах бөҕү уматар оһоҕу боруобалыыллар

Чурапчы оройуонугар кытаанах бөҕү уматар оһоҕу туруоран туһанан эрэллэр. Оһоҕу «Эко-Энергия» ХЭТ оҥорбут. Билигин оһох боруобаны ааһар. Хампаанньа бастакы оһохторун 2018 сыл күһүнүгэр Жатай дьаһалтатын уонна олох-дьаһах, коммунальнай хаһаайыстыба министиэристибэтин кытта үс өрүттээх сөбүлэһии чэрчитинэн үлэҕэ таһаарбыт. Билигин экологическай экспертизаны ааспыт. Оһох бөх уопсай кээмэйин 95%-ҥа тиийэ кыччатар, сылга 50 тыһыынча кубическэй миэтэрэ иэннээх бөҕү уматар. Оттон буруотугар буортута хас эмит төгүл кыра. Маннык оһохтору Чурапчы ыраах сытар нэһилиэктэригэр туруорар былааннаахтар.