Чурапчы улууһун «Халыма» федеральнай айан суолун 174-с килэмиэтиригэр «Тойота Ипсум» уонна «Тойота Камри» массыыналар харсыһыыларыгар икки киһи тыына быһынна. Бу туһунан Россия суолга куттал суох буолуутун хааччыйар иниспиэксийэ Саха сиринээҕи салаатын пресс-сулууспата иһитиннэрэр.
«Барыллааһын дааннайынан федеральнай айан суолун 174-с килэмиэтиригэр «Тойота Ипсум» уонна «Тойота Камри» массыыналар харсыстылар. Бастакы массыынаҕа суоппар уонна үс пассажир айаннаан испит, иккискэ — суоппар уонна биир пассажир», — диэн биэдэмистибэҕэ эттилэр.
Харсыһыыга массыыналар иккиэн умайбыттар.
Ыарахан туруктаах икки киһини оройуоннааҕы киин балыыһаҕа илдьибиттэр. Миэстэтигэр силиэстийэлиир суһал бөлөх үлэлиир.
