Чурапчыга ыһыыга бэлэмнэнии саҕаланна

Чурапчы улууһугар сааскы ыһыы үлэтигэр бэлэмнэнии саҕаланна. Татарстантан 30 гектарга 50 тонна хортуоска сиэмэтин сакаастаабыттар. Ону таһынан «Эйгэ» кэпэрэтииби кытта тоҕус гектарга грунтовай оҕуруот аһын үүннэриэхтэрэ. Үс кэпэрэтиип туораахтаах култуураны ыһыаҕа — «Мындаҕаайы» ТХПК, М.П. Михайлов бааһынай хаһаайыстыбата уонна М.П Седалищева бааһынай хаһаайыстыбата. Фермердрэ уопсайа 95 тонна сиэмэни ылбыттар. «Туймаада» агрохолдингтан уоҕурдуу ылыахтара. Маны таһынан оройуоҥҥа 200 гектардаах сири тыа хаһаайыстыбатыгар анаан чөлүгэр түһэрэллэр.