2021 сыл тохсунньутуттан коронавирус утары быһыы ылбыт дьоҥҥо судаарыстыбаннай өҥө порталыгар вакцина туруоруллуутун туоһулуур паспорт бэриллэр буолуоҕа. Бу туһунан ТАСС иһитиннэрэр.
«Биһиги тохсунньуга судаарыстыбаннай өҥө сайтыгар бэйэ кэбиниэтигэр тута COVID-19 вакцината туруоруллуутун туоһулуур паспорт бэриллэн саҕалыырын былаанныыбыт», – диэн Россия доруобуйа харыстабылыгар миниистирэ Михаил Мурашко бырабыыталыстыба иһинэн үлэлиир коронавирус утары охсуһуу координационнай сэбиэт мунньаҕар эттэ.
Россия регионнара мөлүйүөн аҥарыттан ордук доза коронавирус утары вакцинаны туппуттара этиллэр.
«Бүтэһик үс нэдиэлэ устата дойду регионнарыгар 507 тыһыынча доза вакцина тиэрдилиннэ», – диэн эттэ.
Быһыы туруоруу барыта график быһыытынан баран иһэрин чуолкайдаата. Коронавирус инфекциятын утары вакцина ылбыт дьон дааннайдара түмүллэрин санатта.
Инникик этиллибитинэн, судаарыстыбаннай өҥө сайтын нөҥүө быһыы ылыыга сурутуу ыытыллар.
