Ыам ыйын 1 күнүттэн Уһук Илин уонна Арктика устун бастыҥ айаҥҥа IV бүтүн россиятааҕы «Дальний Восток – Земля приключений» куонкуруска сайаапкалары хомуйуу саҕаланна.
Куонкурус РФ Бырабыыталыстыбатын бэрэссэдээтэлин солбуйааччы – РФ бэрэсидьиэнигэр Уһук Илин федеральнай уокурук боломуочуйалаах бэрэстэбиитэлэ Юрий Трутнев көҕүлээһининэн «ВЭФ-2022» саҕаламмыта уонна номнуо төрдүс сылын дойду айанньыттарын түмэр.
Төрдүс сезоҥҥа икки саҥа уларыйыы киирбит: биэс сүрүн анал аат баар буолбут, эбии «Тропы Победы» диэн эбиллибит; бириистээх пуонда мөлүйүөнтэн тахса солкуобайынан улаатта, ол курдук, урут анал аакка кыайдахха 100 тыһ солк ылар буоллахха, билигин бириис 200 тыһ солк тэҥ буолбут.
Куонкуруска ыытыллар киинэ 8 мүнүүтэттэн уһуо суохтаах, кыттыылаах хайаан да каадырга баар буолуохтаах. Уһук Илиҥҥэ уонна Арктикаҕа айан 2024 сыл ыам ыйын 1 күнүттэн 2027 сыл тохсунньу 15 күнүгэр диэри оҥоһуллуохтаах. Ону тэҥэ айаҥҥа турунуох иннинэ ЫБММ сэрэтиллиэхтээх. Уһуллубут матырыйаалы путешественникдв.рф саайтка ыыталлар.
Бастыҥ видео иһин сүрүн бириис 3 мөлүйүөн солкуобайга тэҥ. Анал аакка кыайбыттарга 1 мөл солк туттараллар, иккис миэстэҕэ — 300 тыһ солк, оттон үһүс миэстэҕэ — 200 тыһ солк.
Куонкурус Уһук Илин ФУо РФ Бэрэсидьиэнин боломуочуйалаах бэрэстэбиитэлин аппаратын, Уһук Илини сайыннарыы министиэристибэтин, Уһук Илини, Арктиканы сайыннарыы корпорациятын, «Фонд развития социальных инициатив» уопсастыбаннай түмсүү өйөбүллэринэн ыытыллар.
