Быйыл «Дальний Восток — Земля приключений» күрэх кыттыылаахтара тохсунньу 30 күнүгэр диэри хас биирдии анал аакка айан туһунан биир видео ыытыахтарын сөп (биир анал аакка видео бииртэн элбэх буолуо суохтаах).
Күрэх анал ааттара:
Сатыы айан (сатыы эбэтэр бэлисипиэтинэн дьиикэй айылҕаҕа айан);
Уунан устуу (өрүскэ, байҕалга, уу аннынан, серфинг);
Кыһыҥҥы айан (хайыһарынан, ыттарынан, кыһыҥҥы бэлисипиэтинэн айан, сноубординг).
Санатарбыт курдук, күрэх кыайыылааҕа — 3 мөл солк сүүйэр, анал аакка кыайыылаах — 1 мөл солк, анал аакка иккис миэстэ иһин — 300 тыһ солк, үһүс миэстэ — 100 тыһ солк.
Бастакы сезоҥҥа кыайыылаахтар видеоларын профессиональнай камераҕа, ону тэҥэ төлөпүөҥҥэ эмиэ уһулбуттара.
Быраабылалары путешественникдв.рф сайтка көрүҥ.
Күрэх Россия бэрэсидьиэнин Уһук Илиҥҥи Федеральнай Уокурукка боломуочуйалаах бэрэстэбиитэлэ Юрий Трутнев көҕүлээһининэн, Россия бэрэсидьиэнин Уһук Илиҥҥи Федеральнай Уокурукка боломуочуйалаах бэрэстэбиитэлин аппаратын, Россия Уһук Илин сайдыытын министиэристибэтин, АО «Уһук Илин уонна Арктика сайдыытын корпорациятын», НКО «социальнай көҕүлээһиннэр сайдыыларын пуондатын» көмөлөрүнэн ыытыллар.
