Владимир Путин 2024 сылга Россия бэрэсидьиэнин быыбарыгар быйыл баартыйата суох бэйэ кандидатуратын туруорунарын туһунан быһаарыытын «Биир ньыгыл Россия» баартыйа өйөөтө.
Бэҕэһээ, ахсынньы 17 күнүгэр, «Биир ньыгыл Россия» баартыйа бүтүн Россиятааҕы XXI-с сийиэһигэр Владимир Путины дойду дьонун-сэргэтин түмэр, сомоҕолуур диэн бэлиэтээтилэр. Билиҥҥи кэмҥэ Россияны сайыннарар, интэриэһин көмүскүүр соҕотох бэлиитик буолар.
Ил Түмэн норуодунай депутата, Норуот фронун эрэгийиэннээҕи отделениетын хос бэрэссэдээтэлэ Дмитрий Паньков билигин Владимир Путин курдук уопуттаах бэлитиичэскэй лиидэр суоҕун бэлиэтээтэ.
«Путин уопута Россия бигэ туруктаах буолуутун, кэскилин түстүүр. Владимир Владимирович салалтатынан дойдубут тэтимнээхтик сайдар. Холобур, кини көҕүлээһининэн 2019 сылтан үлэлиир национальнай бырайыактар Россияны биэс сыл иһигэр күүскэ сайыннардылар», — диэн Паньков эттэ.
