Турция киинигэр Стамбул куоракка Россия делегацията Украинаны кытары көрсөргө бэлэмнээҕин дойду бэрэсидьиэнин пресс-сэкирэтээрэ Дмитрий Песков «Россия-1» ханаал суруналыыһыгар Павел Зарубиҥҥа эттэ.
«Биһиги делегациябыт Стамбулга тиийиэҕэ уонна Украиналары күүтүөҕэ», — диэн Песков эттэ.
Ол эрээри Дмитрий Песков Россия делегациятыгар кимнээх киирэллэрин, көрсүһүү бириэмэтин эппэтэ.
«Россия делегациятыгар кимнээх киирэллэрин, көрсүһүү бириэмэтин туһунан кэпсиир кыаҕым суох. Владимир Путин сорудаҕа кэллэҕинэ барытын биллэриэхпит», — диэн дойду бэрэсидьиэнин пресс-сэкирэтээрэ быһаарда.
Маны таһынан, Владимир Зеленскэй Россия бэрэсидьиэнэ Владимир Путины кытары көрсүһэр баҕа санаалааҕын туһунан тугу даҕаны эппэтэ.
«Биһиги Путин этиитигэр олоҕуран үлэбитин ыытабыт», — диэн Песков бэлиэтээтэ.
