От ыйыгар тэриллибит уопсастыбаннай добровольческай киин бүгүн, атырдьах ыйын 26 күнүгэр, үлэтин түмүктээтэ. Бу туһунан биир кэлим ресурснай киин пресс-сулууспата иһитиннэрэр.
Штаб тэриллиэҕиттэн ыла баһаарга балтараа тыһыынча кэриҥэ волонтеру баһаарга ыыппыт. Гуманитарнай көмөнү хомуйуу, волонтердары түмүү, инструктаж, волонтердары бөлөҕүнэн хомуйан ыытыы — барыта манна этэ.
«Бу кэмҥэ диэри Биир кэлим ресурснай киин күүһүнэн 7,5 мөлүйүөн кэриҥэ харчы штабка хомулунна. Киинтэн штабка үс буолан үлэлээтибит. Биһиги хас биирдии киһиэхэ, хампаанньаҕа махтанабыт. Сотору кэминэн сайтка отчуот тахсыаҕа», — диир уопсастыбаннай штаб бэрэссэдээтэлэ Леонид Саввин.
Санатан эттэххэ, уопастыбаннай штаб Уопсастыбаннай палата, «Саха сирин айылҕатын харыстыахха» хамсааһын, Волонтердары кытта үлэ киинин, «Айыла Дьулурҕа» бөлөх уонна биирдиилээн дьон көҕүлээһининэн тэриллибитэ.
