Ытык кырдьаҕас наҕараадалары ыла туран: Киһи «Россияҕа сулууспалыыбын» дииригэр, бу тыллар күүстэрин дириҥник өйдүүр. Тоҕо диэтэр дойдуга бэриниилээх буолуу таһынан манна киһи чиэстээхтик олорбут олоҕо көстөр.
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка «СӨ Бочуоттаах гражданина» бэлиэни уонна «Кыайыы 80 сыла» үбүлүөйдээх мэтээли туттарда.
Николай Иванович Гаврил Иосифович Чиряевтыын бииргэ үөрэммиттэр, сэриигэ сылдьыбыттар. Кинилэр дьылҕалара биһиги историябыт тыыннаах летопиһа, хорсун быһыы, дойдуга бэриниилээх буолуу холобурунан буолар.
РСФСР уонна Саха АССР оскуолаларын үтүөлээх учуутала, ССРС норуотун үөрэҕириитин уонна геология туйгуна, СӨ норуодунай учуутала, «Ытык Аҕа»бэлиэ хаһаайына. Бэтэрээн, краевед, суруйааччы, настаабынньык.
Маннык көрсүһүүлэр суола-ииһэ суох ааспаттар. Кинилэр биһиэхэ эрэллээх буолууну биэрэллэр, туох туһугар олорорбутун, үлэлиирбитин өйдөтөллөр. Уонна Кыайыыны аҕалбыт көлүөнэ иннигэр дьоһуннук көстөр гына билигин тугунан тыынан олоруохтаахпытый, инникибит хайдах буолуохтааҕый. Саха сирэ киэн туттар.
