Кулун тутар 1 күнүгэр М.К. Аммосов аатынан Хотугулуу-Илиҥҥи федеральнай университет «Хотугулуу-Илиҥҥи университетскай уокурук» (ХИУУо) Ассоциациятын түмүктүүр конференциятын ыытта.
Конференцияҕа университет ректора Анатолий Николаев технологическай уонна естественнонаучнай үөрэҕирии сайдыытын кэпсээтэ уонна бастыҥ оскуолалары уонна учууталлары бэлиэтээтэ.
«ХИФУ бастыҥ учуутала» Дьокуускай 1 №-дээх орто оскуолатын дириэктэрэ Таисия Горохова кыайыыны ситистэ.
Таисия Николаевна салайар оскуолата 20 сыл кэриҥэ Дьокуускай, Саха сирин үрдүнэн үөрэҕин хаачыстыбатынан бастыҥ көрдөрүүлээх. Үөрэх кыһата өрөспүүбүлүкэтээҕи RAEX рейтиҥэр уон бастыҥ оскуола иһигэр киирэр. Сыллата оҕолор эксээмэннэри үрдүк хаачыстыбалаахтык туттараллар, олимпиадаларга ситиһиилээх кытталлар.
