Дьокуускай 3 №-дээх балыыһата «Здоровье нации – 2021» бүтүн Россиятааҕы бырагыраама «Успешные проекты и практики» куонкуруһугар диплом ылла. Бу туһунан тэрилтэ пресс-сулууспата иһитиннэрэр.
Балыыһа «Поликлиника без регистратуры» бырайыагы оҥорон «Медицина в условиях новых вызовов» диэн анал аакка кытынна.
«Саха сиригэр маннык технология аан бастаан киирдэ. Бу бырайыак көмөтүнэн биир сиргэ элбэх ыарыһах мустарын аҕыйатыахха сөп. Оччоҕо араас өҥөнү оҥорууга табыгастаах буолар уонна коронавирус тарҕаныытын намтатар», — диэн иһитиннэриигэ этиллэр.
Ол курдук, регистратура оннугар Дьокуускай 3 №-дээх балыыһатын хас биирдии этээһигэр 15 инфоматтары туруордулар. Онно инфоматынан туһанарга ыарыһахтарга анал үөрэхтээх администратордар көмөлөһөллөр.
