Өрөспүүбүлүкэ киинин быраастара тохсунньу 19 күнүгэр диэри Чурапчы улууһун сэлиэнньэлигэр медицинскэй көрүү ыыталлар. Бу туһунан СӨ доруобуйа харыстабылын министиэристибэтин пресс-сулууспата иһитиннэрэр.
«Өрөспүүбүлүкэтээҕи уопсастыбаннай доруобуйа уонна мэдиссиинискэй профилактика кииниттэн, СПИД кииниттэн, Өрөспүүбүлүкэтээҕи онкологическай диспансертан Чурапчы сэлиэннэтигэр медицинскэй биригээдэлэр Хатылы, Хайахсыт, Чакыр, Сылаҥ, Чыаппара нэһилиэнньэлээх пууннары хабан үлэлииллэр», — диэн иһитиннэриигэ этиллэр.
Кинилэр нэһилиэнньэҕэ профилактическай, бастакы-анал медицинскэй көмөнү, ону тэҥэ методическай көмөнү оҥороллорун бэлиэтииллэр.
Бары тэрээһиннэри коронавирус инфекциятын тарҕаппат туһуттан бары миэрэни барытын тутуһан ыыталлар.
