Дьокуускайга Марха дьоҕус түөлбэтигэр чалбаҕы оботторуу уонна хаары таһыы үлэтэ салҕанар. Үс күн иһигэр 600-тэн тахса куб.м.чалбаҕы оботторбуттар.
«Үлэҕэ 13 тиэхиньикэ: түөрт самосвал, үс погрузчик, үс АСМ, үс мотопомпа туһанылыннылар. Хаары таһыыга 22 рейс оҥоһулунна», — диэн этиллэр.
Ону тэҥэ хаары таһыыга икки анал байыаннай дьайыы кыттыылааҕа үлэлэспиттэр.
Субуотунньукка үс уулуссаны ыраастаабыттар. Онно 40-тан тахса СӨ тырааныспарга уонна суол хаһаайыстыбатыгар министиэристибэтин, айан суолун управлениетын, Ленскэй пароходствотын үлэһиттэрэ уонна Дьокуускайдааҕы уу тырааныспарын институтун устудьуоннара кыттыбыттар.
Ленскэй бассейн дьаһалтата, «Аэропорты Севера», «Паромы Якутии», «Мехдорстрой», «Дороги Саха», «ДРСУ Сэттэ», АО «РИК Автодор» уонна ООО «Ассоциация строителей АЯМ» тэрилтэлэрэ тиэхиньикэлэринэн хааччыйбыттар.
