Өрөспүүбүлүкэ киин куоратын мэрин талар куоластааһын 2021 сыл саас ыытыллыаҕа. Бу туһунан куорат баһылыга Сардаана Авксентьева бэйэтин Instagram аккаунугар суруйда.
«Куорат мэрин талар куоластааһын быйыл саас ыытыллыаҕа. Баһаалыста, көхтөөх буолуҥ, туора турумаҥ, хайаан да куоластааһыҥҥа кыттыҥ. Бу куорат хас биирдии олохтооҕун интэриэһигэр», – диэн суруйда.
Сардана Авксентьева өрөспүүбүлүкэ Ил Дархана Айсен Николаевы уонна Дьокуускай баһылыгын бастакы солбуйааччы Евгений Григорьевы кытта көрсүстэ. Ил Дархан Евгений Григорьев Дьокуускай баһылыгын эбээһинэһин толорооччунан анааһыны өйөөтө. Сардана Авксентьева куорат мэрин «уобсастыбаннай көҕүлээһининэн» сүбэһитинэн буоларын иһитиннэрдэ.
Инники этиллибитинэн, Дьокуускай куорат баһылыга Сардаана Авксентьева доруобуйатын туругунан болдьоҕун иннинэ үлэлээн бүтэрин туһунан иһитиннэрбитэ.
