Киин куоракка култуура уонна сынньалаҥ пааркатыгар кулун тутар 26 күнүгэр алта аттрацион үлэлээтэ: «Лошадки», «Замок дракона», «Пиратский корабль», «Цепочка», «Юнга», «Солнышко». Паарка дирекцията иһитиннэрбитинэн, саамай улахан аттракцион – «колесо обозрения» эмиэ үлэлээбит.
«Күн-дьыл сылыйан, биһиги алта механическай аттракциону 10.00 чаастан 18.00 чааска диэри үлэлэтэргэ быһаарынныбыт. Паарка сирэ-уота хаартан ыраастанна. Фуд-корттар үлэлииллэр», – диэн култуура уонна сынньалаҥ пааркатын дирекциятын художественный салайааччыта Андрей Саввинов эттэ.
Аттракционнар саҥа сыаналарын сотору кэминэн паарка сайтыгар таһаарыахтара. Ону тэҥэ Саввинов пааркаҕа «Якутск, встречай весну!» диэн кыһыны атаарар тэрээһиҥҥэ бэлэмнэнии бара турарын эттэ. Уопсай куораттааҕы бырааһынньык бу субуотаҕа, кулун тутар 28 күнүгэр, буолуоҕа.
Хаартыска: Татьяна Чирикова / НВК «Саха»
