Дьокуускай сайдыытын пуондата урбаанньыттарга 5% кредит биэриэҕэ

Куорат сайдыытын пуондата урбаанньыттарга биэрэр кредитин бырыһыана 7-тэн 5-кэ диэри түстэ. Онуоха эбии 3 мөлүйүөн көрүлүннэ, оттон 2021 сылга үбүлээһин уопсайа — 84 мөлүйүөн солкуобай уболла. Пуонда сыл аайы урбаанньыттарга улахан көмө буолар, үлэлээбитин тухары 222 бырайыагы харчынан өйөөбүт.
Дьону таһыынан дьарыктанар Сергей Ротару 2019 сыллаахха ПАЗ оптуобус атыылаһарыгар пуондаттан иэс ылбыт. Билигин маршрутка сылдьар. Фермер Екатерина Котрус фонда көмөтүнэн тыраахтар, бензин, тиэхиньикэ атыыласпыт. «Бастакы иэспин саптым, 3,9 мөлүйүөннээх иккис кредиппин үс сылынан сабар былааннаахпын. Россельхозбанк аккаастаабыта, онон фондаҕа махталым улахан. Билигин 42 төбө сүөһүлээхпин, өссө 41 гаҕа сэлиэһинэй үүннэрэбин, атыылыыбын, эһиил 100 гаҕа диэри кэҥиир былааннаахпын», — диир кини.