Үүнэр көлүөнэ пуондата ЯТЭК хампаанньа ыыппыт харчытыгар Дьокуускай өрөспүүбүлүкэтээҕи клиническэй балыыһатыгар үс ИВЛ аппаратын ылла. «ИВЛ аппараттар билигин ковиднай салааҕа олус наадалар. Ыарыһахха ордук табыгастаахтар. Барыта холбоон 14 аппараттан 3-8 аппарат куруук иллэҥэ суох», – диир реанимация уонна анестезиология салаатын сэбиэдиссэйэ Сергей Жиряков.
Үүнэр көлүөнэ пуондата пандемия кэмигэр Саха сиригэр үлэлиир улахан хампаанньалары кытта үлэлэһэр. ЯТЭК таһынан, коронавируһу утары үлэҕэ көмө быһыытынан «Селигдар», «Полиметалл УК», «Тарынская золоторудная компания», «Таас-Юрях Нефтегазодобыча» хампаанньалар харчынан көмөлөстүлэр. 90-тан тахса мөлүйүөн солкуобай медицина тэрилин, эми-тому ыларга ыыттылар.
