Ааспыт нэдиэлэҕэ Дьокуускай 236 элбэх кыбартыыралаах дьиэтин подъездыгар тиһэх дезинфекция ыытылынна. Бу туһунан куорат уокуругун дьаһалтатын пресс-сулууспата иһитиннэрэр.
Ыам ыйын 20 күнүгэр түһэрсиллибит муниципальнай контрагынан дезинфекцияны «Аденалин» ХЭТ ыытар. Инники маннык контракт «Саха сиринээҕи гигиена уонна эпидемиология киинэ» тэрилтэни кытта түһэрсиллэ сылдьыбыта. Роспотребнадзор тустаах иһитиннэриитэ киирдэҕинэ, толорооччуга түмүк дезинфекцияны ыытыыга сайаапкалар түһэриллэллэр.
Балаҕан ыйын 3 күнүгэр ыйыллыбыт аадырыстарга баар элбэх кыбартыыралаах дьиэлэр уопсай туһаныллар миэстэлэригэр коронавирус инфекциятын утары тиһэх дезинфекция ыытылынна: Чепалов 37, Октябрьскай 3, 16, Ойуунускай 10, 11 (1,2 подъездтар), 24/2, 33, Лермонтов 31/2а, 60/1, 63, 100, 121а, 136/1, Ленин пр-н 27-1, Крупскай 37, Красильников 3/2, 4/3, 7/2, Короленко 17, Дежнев 75, Халтурин 6/1, 16, Свердлов 2/2, Петровскай 10/2, 10/5, 21/1, Петр Алексеев уул. 72, Кузьмин 34/3, Космонавтар 4 /1, Каландаришвили 25/8, Жорницкай 7/9, Дзержинскай 8/2, 9, 41/3, Билибин 19, Аммосов 4/2, Автодорожнай 13/1, 40/9, 44/1.
Атырдьах ыйын 24 күнүтттэн балаҕан ыйын 3 күнүгэр диэри «Аденалин» тэрилтэ COVID-19 диагнастаах дьон баара биллибит, 236 аадырыска баар элбэх кыбартыыралаах дьиэҕэ дезинфекция ыытта.
