Бүгүн, кулун тутар 5 күнүгэр, Дьокуускайга «Абилимпикс — 2020» доруобуйаларынан хааччахтаах дьон ортотугар идэ мастарыстыбатын национальнай чөмпүйэнээтин сүүмэрдиир түһүмэҕэ түмүктэннэ.
Күрэх Дьокуускайга уонна Нерюнгрига 13 былаһаакканан ыытылынна. Кытааччылар үс күн устата 19 көрүҥҥэ бэйэлэрин маастарыстыбаларын көрдөрдүлэр.
Уопсайа 114 киһи кыттыыны ылбыта этиллэр. Кыттааччылар үлэлэрин 100 эксперт, ол иһигэр үлэ миэстэтин хааччыйар тэрилтэлэр сыаналаатылар. Тустаах тэрээһин доруобуйаларынан хааччахтаах дьон үөрэхтэрин бүтэрэн баран үлэ булалларыгар үчүгэйдик дьайара бэлиэтэнэр.
Хас биирдии хайысха кыайыылаахтара 2020 сыл сэтинньитигэр ыытыллар национальнай чөмпүйэнээккэ Саха сирин чиэһин көмүскүүр кыахтаныахтара.
