Саха сирин медиктэрэ киин куоракка ыытыллар «Азия оҕолоругар» бэлэмнэр.
Ол курдук, спортивнай оонньуулар кэмнэригэр 32 мэдиссиинэ пууна үлэлиэҕэ. Онтон 16 пууна төгүрүк суукка устата аһаҕас буолуоҕа. Пууннарга 122 мэдиссиинэ исписэлииһэ үлэлиэ. Тэрээһин эбийиэктэригэр, кыттыылаахтар уонна ыалдьыттар олорор сирдэригэр мэдиссиинэ үлэһиттэрэ кинилэри арыаллыахтара.
Оонньуулар арыллыытын уонна сабыллыытын сиэрин-туомун кэмигэр катастрофа мэдиссиинэтин киинин уонна суһал көмө алта мобильнай биригээдэтэ дьуһуурустубалыаҕа.
Күрэхтэһии кэмигэр өрөспүүбүлүкэтээҕи спорт мэдиссиинэтин уонна реабилитация киинин быраастара үлэлиэхтэрэ. Ону тэҥэ суһал көмө биригээдэлэрэ реанимобиллаах, анал тиэхиньикэлээх дьуһуурустубалыахтара.
Өрөспүүбүлүкэтээҕи катастрофа мэдиссиинэтин киинин биригээдэлэрэ суһал балаһыанньа таҕыстаҕына үлэлиэхтэрэ. Өрөспүүбүлүкэ балыыһалара эбии койкалары көрдүлэр уонна стационарнай көмө оҥорорго бэлэмнэр.
Россия бэрэсидьиэнэ Владимир Путин «Азия оҕолорун» оҕо спордун эйгэтигэр биир саамай интэриэһинэй, ситиһиилээх бырайыагынан ааттаабыта.
Ил Дархан Айсен Николаев бэлиэтииринэн, өрөспүүбүлүкэҕэ 2024 сылга ыытыллар күрэхтэһиилэртэн «Азия оҕолоро» биир саамай улахан норуоттар икки ардыларынааҕы күрэс быһыытынан уонна үрдүк таһымнаахтык ыытыллыаҕа.
