Аан дойдуга оҕо көмүскэлин күнүгэр, Үлэ сылыгар уонна Педагог уонна Настаабынньык сылыгар аналлаах «JOYFEST-2023» дьиэ кэргэн бэстибээлэ буолуоҕа.
Бэстибээли сыллата СӨ спортка уонна физическэй култуураҕа министиэристибэтэ уонна СӨ эдэр ыччат дьыалатыгар уонна социальнай коммуникацияҕа министиэристибэтин өйөбүлүнэн СӨ спидкубинг федерацията, «JOY» бэлэхтэр уонна оонньуурдар маҕаһыына тэрийэллэр.
Бэстибээл хас даҕаны балаһаакканан буолар: өй, спорт уонна айар-тутар күрэстэр. Ону тэҥэ, регион эбии үөрэхтээһинин кииннэрин Ассоциацията маастар-кылаастары ыытыаҕа.
Кыайыылаахтар мэтээлинэн уонна дипломунан наҕараадаланнылар, бары кыттыбыттарга туоһу суругун туттардылар.
Тэрийээччилэр этэллэринэн, бэстибээл дьиэ кэргэн институтун бөҕөргөтөргө, чөл олоҕу көҕүлүүргэ, интеллектуальнай оонньуулары, оҕо спордун уонна айар-тутан эйгэтин, үөрэҕин сайыннарарга туһууланар.
Ааспыт сылга бэстибээлгэ 500-тэн тахса кыттааччы, ону тэҥэ 300 оҕо төрөппүттэрин кытта кыттыбыттар.
Бу сылга «JOY» бэлэхтэр уонна оонньуурдар маҕаһыына төрүттэммитэ 20 сылын бэлиэтиир. Тэрээһин буолар сирэ-чааһа: Дьокуускай к., Лермонтов аатынан уул.64-с дьиэтэ, «Туймаада» стадиоҥҥа 11.00 чаастан саҕаланар.
