Өрөспүүбүлүкэтээҕи Роспотребнадзор бэлиэтээбитинэн, киин куоракка ОРВИ-нан ыалдьыы көрдөрүүтэ нэһилиэнньэҕэ эпидемиологическэй боруогу 6%-нан куоһарбыт, оттон ааспыт нэдиэлэҕэ – 17%-нан. Уопсайа 4495 ОРВИ уонна грипп түбэлтэтэ бэлиэтэммит. Бу туһунан ахсынньы 1 күнүгэр уопсай куораттааҕы планеркаҕа иһитиннэрдилэр.
Билиҥҥи тургунан Дьокуускайга грипп утары вакцинаны 188 тыһ. киһи ылбыт. Маннык миэрэ грипптэн уонна да атын вирустартан харыстыыр, ыалдьыы ахсаанын намтатар.
Роспотребнадзор Саха сирин олохтоохторугар элбэх киһи мустар сиригэр сылдьартан туттунарга, ытырдарга, сөтөллөргө биирдэ туттуллар салпыакканан айаҕы саптарга, салгылаабат сиргэ маасканы кэтэ сылдьарга сүбэлиир.
Итиэннэ илиини мыыланан, дезинфекциялыыр сириэстибэнэн сууна, сотто сылдьарга, смартфону анал салпыакканан, сириэстибэнэн сото сылдьарга ыҥыраллар.
