Дьокуускайга Чернышевскай уул. 110В дьиэтигэр 149 кыбартыыраны хаарбах дьиэлээх дьоҥҥо уонна 37 кыбартыыраны тулаайах оҕолорго туттарбыттар.
Кыбартыыралар толору өрөмүөннээхтэр. Салалта аатыттан бырабыыталыстыба бэрэссэдээтэлин солбуйааччы Кирилл Бычков эҕэрдэлээбит.
«Саахалланар туруктаах дьиэттэн дьону көһөрүү бырагыраамата Саха сиригэр саамай киэҥник үлэлиир. Дьиэни кэмигэр тутан киллэрбит хампаанньаҕа уонна куорат дьаһалтатыгар махтанабыт», – диэбит кини.
Тутуу министиэристибэтин 2021 сылга 18,13 тыһыынча киһи 325,21 тыһыынча квадратнай миэтэрэ иэннээх дьиэттэн көстө. Оттон «2019-2025 сылларга хаарбах дьиэттэн дьону көһөрүү» бырагырааматынан 127 элбэх кыбартыыралаах дьиэ тутуллан киирбит, онтон 82-тэ быйыл.
