Киин куоракка хантыраагынан сулууспаҕа хандьытааттары сүүмэрдиир пуун үлэтин ситимин быспат. Хандьыдааттар сулууспалыыр сирдэрин быһаарарга кинилэр билиилэриттэн-көрүүүлэриттэн, тугу сатыылларыттан, ханна сулууспалыан баҕаралларыттан тутулуктаах.
Бу туһунан брифиҥҥэ хантыраагынан байыаннай сулууспаҕа Дьокуускайдааҕы сүүмэрдиир пуун инструктора, старшай прапорщик Алексей Колесов иһитиннэрдэ.
Кини бэлиэтииринэн, байыастарга социальнай льготалар, медицинскэй көрүү-истии, үп-харчы көрүллэр.
«Хандьыдааттар сайабылыанньа суруйаллар, медицинскэй хамыыһыйаны ааһаллар, анализ туттараллар, нарколокка, психиатрга көрдөрөллөр. Өскөтүн доруобай уонна учуокка турбат буоллаҕына, кинини сулууспаҕа ылаллар», — диэн кини эттэ.
