Сэтинньи 6 күнүгэр өрөспүүбүлүкэтээҕи фашизмы утары форум буолуоҕа. Форум Дьокуускайга иккистээн ыытыллар. Бастакы форум былырыын ахсынньыга Ил Дархан Айсен Николаев көҕүлээһининэн Аҕа дойду Дьоруойдарын күнүн иннинэ буолбута.
Форумҥа Илиҥҥи байыаннай уокурук салалтата, Россия экспердэрэ, СӨ судаарыстыбаннай уонна муниципальнай былааһын уорганнарын бэрэстэбиитэллэрэ, бэлитиическэй баартыйа чилиэттэрэ, байыаннай дьайыы бэтэрээннэрэ, куораттааҕы уокуруктар уонна улуустар делегациялара, судаарыстыбаннай тэрилтэлэр бэрэстэбиитэллэрэ уонна өрөспүүбүлүкэ уопсастыбаннаһа кыттыахтара. Ону тэҥэ кыттыылаахтар ортолоругар — Илиҥҥи байыаннай уокурук «Биһиги диэн биһиги» вокальнай-инструментальнай ансаамбыл кэллэктиибэ.
Форумҥа пленарнай мунньах сүрүн тэрээһин быһыытынан ыытыллыаҕа. Мунньах түмүгүнэн резолюцияны ылыахтара. Ону тэҥэ форум кыттыылаахтара Норуоттар сомоҕолоһууларын күнүгэр буолар митиҥҥэ кыттыахтара, «Россия в борьбе с современным фашизмом» уонна «Без срока давности. О преступлениях нацистов в годы ВОВ и в наши дни» диэн быыстапкаларга сылдьыахтара. «Биһиги диэн биһиги» ансаамбыл Дьокуускай куоракка уонна Нам сэлиэнньэтигэр (Нам улууһугар) кэнсиэрдиэҕэ.
