Дьокуускай куоракка «Интерэкшн групп» хааччахтаммыт эппиэтинэстээх тэрилтэ саҥа клиеннары кытта үлэтин тохтотто. Тэрилтэ үлэтин-хамнаһын экономика өттүнэн буруйу оҥорууну утары охсуһар салалта үлэһиттэрэ бэрэбиэркэлииллэр.
«Интерэкшн групп» сыаналаах тиэхиньикэни, ол эбэтэр саҥа суотабай төлөпүөнү, наушнигы, ноутбугу 50 % чэпчэтэн атыылыыбыт диэн кэпсэнэр. Онуоха атыылаһааччы булгуччу үс уонна онтон элбэх киһини бэйэтин кытта аҕалыан наада, оччоҕо биирдэ сыаналаах тиэхиньикэ хаһаайына буолар кыахтаах.
Бу маҕаһыын аһыллыаҕыттан 400-кэ киһи бу хамсааһыҥҥа кыттыспыт. Олортон 300-һэ баҕалаах табаарын ылбатах. Бу дьон харчытын төттөрү көрдүүр.
«Бүгүҥҥү туругунан бэрэбиэркэ ыытыллар кэмигэр тэрилтэ саҥа дьону кытары дуогабар түһэрсиитин тохтотто. Инники сөбүлэһии түһэрсибит дьону кытары үлэбитин салгыыбыт. Хампаанньа үлэтин ким да бобо илик, ол эрээри СӨ ис дьыала министиэристибэтин бэрэбиэркэтин түмүк быһаарыыта тахсыар дьиэри саҥа дьону киллэрбэппит», — диэн «Интерэкшн групп» ХЭУо генеральнай дириэктэрэ Анатолий Харитонов кэпсээтэ.
