Өрөспүүбүлүкэ киин куоратыгар ыам ыйын 1 күнүгэр, баскыһыанньаҕа сылаас, ол эрээри тыаллаах күн-дьыл туруоҕа.
Бу туһунан «Саха» НКИХ ханаалыгар Саха сиринээҕи УГМС салайааччытын солбуйааччы Татьяна Маршалик иһитиннэрдэ.
«Барыллаан сабаҕалааһынынан, ыам ыйын 1 күнүгэр Дьокуускайга сөҥүүтэ суох буолуоҕа. Салгын температурата +8+10°С, ол эрээри тыалырыа. Тыал соҕурууттан, соҕуруулуу-илинтэн сөкүүндэҕэ 9-14 миэтэрэ түргэннээх буолара күүтүллэр», — диэн кэпсээтэ кини.
Бу күҥҥэ өрөспүүбүлүкэ арҕаа өттүгэр сөкүүндэҕэ 9-14 миэтэрэ түргэннээх тыал түһэрэ күүтүллэр. Өлүөнэ алын тардыытыгар тыал күүһэ сөкүүндэҕэ 15-20 миэтэрэҕэ тиийиэҕэ, кытылга — 24 м/с. Ону тэҥэ арҕаа диэки ардах түһүөҕэ диэн сабаҕалыыллар, күнүһүн хаардаах, сорох сиринэн күүстээх буолуоҕа.Салгын температурата — 0+5°С.
Хотугулуу-арҕаа диэки инчэҕэй хаар түһүө, -4-9°С. Хотугулуу-илиҥҥи өттүгэр түүн -13,-18°, күнүс -3,+2°С.
