«Үлэ кыбаартала» креативнай кластерга Synergy Creative Hub диэн көмпүүтэр уонна лиэксийэ ааҕар кылаастаах, уус-уран лабораториялаах саҥа креативнай идэҕэ аналлаах мастарыскыай үлэлээтэ. Манна оскуола оҕолоро анимация кууруһугар, бырагыраамалааһыҥҥа уонна дизайн оҥорорго үөрэниэхтэрэ.
«Үлэ кыбаартала креативнай кластерга эрэ буолбакка, бүтүн өрөспүүбүлүкэ үрдүнэн үөрэх балаһааккалара элбии тураллар. Онон биһиги үүнэр көлүөнэбит дьоҕурун сайыннарар, саҥа идэҕэ үөрэнэр кыахтанар. Аҕыйах кэм иһигэр Саха сиригэр эдэр талааннаах исписэлиистэр үүнэн-сайдан тахсыахтара диэн эрэллээхпин», – диэн СӨ Бырабыыталыстыбатын бэрэссэдээтэлин солбуйааччы Анатолий Семенов иһитиннэрдэ.
Ол курдук, мастырыскыайга үс ыйдаах араас хайысхалаах үөрэх куурустара баар буолуохтара.
