Дьокуускайга кулун тутар 2 күнүттэн өрөспүүбүлүкэҕэ биллэриллибит Үлэ сылын чэрчитинэн «Үлэ киһитэ – саҥа ыҥырыылар уонна кыахтар» гражданскай форум саҕаланна.
Форум кулун тутар 3 күнүгэр диэри ыытыллыаҕа.
Бастакы күҥҥэ форум балаһааккаларын биирдэстэригэр «Национальная стратегия в интересах женщин «Услышать каждую»» диэн ийэлэргэ өрөспүүбүлүкэтээҕи мунньах буолла. Манна Саха сирин араас муннуктарыттан 150-чэ кэриҥэ ийэ кыттыыны ылла.
Тэрээһин үөрүүлээх аһыллыытыгар кыттааччылары СӨ үлэҕэ уонна социальнай сайдыыга миниистирэ Елена Волкова көрүстэ уонна кэрэ аҥардарга национальнай стратегия сыалын уонна соругун кэпсээтэ, дьахталлар көҕүлээһиннэрэ уонна санаалара сүдү суолталааҕын туһунан боппуруоһу таарыйда.
Гражданскай форум пленарнай мунньаҕа бүгүн, кулун тутар 3 күнүгэр буолуоҕа.
