Өрөспүүбүлүкэ киин куоратыгар СӨ физическэй култуураҕа уонна спорка миниистирэ Леонид Спиридонов мас тардыһыыга аан дойду IV чемпионатын кыайыылаахтарыгар уонна призердарыгар харчынан сертификат туттардылар. Бу туһунан СӨ физическэй култуураҕа уонна спорка министиэристибэтин пресс-сулууспата иһитиннэрэр.
Чемпионнарга Дмитрий Саввиновка, Дмитрий Поповка уонна Павел Черноградскайга 500 тыһыынча солкуобайы туттардылар, тренердэригэр Алексей Агаповка уонна Петр Давыдовка 250 тыһ. солк биэрдилэр. Үрүҥ көмүс мэтээл хаһаайына Эрчим Баппаҕай 200 тыһ. солк. наҕараадаланна, оттон кини тренеригэр Петр Давыдовка – 100 тыһ. солк.
Спортсменнар өрөспүүбүлүкэ салалтатыгар уонна министиэристибэҕэ махтаннылар, инникитин Россия, өрөспүүбүлүкэ чиэһин аан дойду күрэхтэригэр чиэстээхтик көмүскүөхпүт диэн эрэннэрдилэр.
