Киин куоракка Ем.Ярославскай аатынан өрөспүбүлүкэтээҕи музейга «Первая цифровая перепись населения» диэн быыстапка ыытыллар. Бу туһунан тэрилтэ пресс-сулуупата иһитиннэрэр.
Быыстапка стендэтигэр биэрэпис суруйааччы таҥаһа, туттар тэрилэ хайдах уларыйбытын көрүөххэ сөп: 2010 уонна 2016 сылларга ыытыллыбыт тыа хаһаайыстыбатын биэрипиһигэр туттуллубут бартыбыаллар, былааттар, бэргэһэлэр, блокноттар бааллар.
2021 сылга биэрэпис суруйааччыларга мааскалар, антисептиктар, бэрчээккилэр уонна сэлиэччиктэри туттарбыттара.
Ону тэҥэ 2020 сыллааҕы биэрэпис экипировката фирменнэй, чаҕылхай өҥнөөх, дьоҥҥо уонна биэрэпис үлэһиттэригэр куттал суох буолуутун хааччыйар докумуон баара.
«Музей эдэр көрөөччүлэрин болҕомтолоро, биллэн турар, ВПН-2020 бэлиэтигэр ВИПИН диэн ааттаах чоппуускаҕа тардыллыаҕа. Кини туһунан мультигы музейга мониторугар көрүөххэ сөп. Онтон биэрэпис тиэрминнэрин туһунан билиэхтэрэ», — диэн иһитиннэриигэ этиллэр.
