Саха сирин биэс гыммыт түөрдэ ойуур. Онон бу салааны сайыннарыы сытыырхайан турар. Манна исписэлиистэри бэлэмнээһиҥҥэ эмиэ улахан болҕомто ууруллар. Билигин үлэлиир дьон үксэ биэнсийэ саастаахтар, эбэтэр анал идэлэрэ суох. Онон биир бастакынан үлэһит 50 %-нын идэни уларытар үөрэххэ ыытар сорук турар.
Бэлиэтээн эттэххэ, урбаан бэрэстэбиитэллэрин көҕүлээһининэн тыа хаһаайыстыбатын академиятыгар икки сыллааҕыта «Ойуур комплекса уонна сири оҥоруу» диэн факультет аһыллыбыта. Бу уонна ойуур хаһаайыстыбатын сайдыытын туһунан анал форумҥа дьүүллэстилэр.
Билигин академия бу хайысхаҕа эбии үөрэхтээһиҥҥэ үлэлэһэр. Маныаха, бакалврдары сэргэ, күнүскү уонна кэтэхтэн үөрэххэ магистрдары эмиэ бэлэмнииллэр. Аны саас салааларынан семинар ыытары былаанныыр.
