Дьокуускай куорат «Арктика Строй» уонна «Плутон-Вита» хампаанньалара олорор дьиэлэргэ ититиини биэрии болдьоҕун хойутатан, эппиэтинэскэ тардылыннылар. Бу туһунан СӨ борокуратууратын пресс-сулууспата иһитиннэрдэ.
Дьокуускай куорат олорор дьилэригэр 2019-2020 сылларга ититиини биэрии болдьоҕо балаҕан ыйын 15 күнүгэр олохтоммут.
«Балаҕан ыйын 15 күнгэр түүн 12.00 чаас туругунан, «Арктика Строй» уонна «Плутон-Вита» хампаанньалар ититии ситимин өрөмүөннүүр үлэни түмүктээбэххэ, элбэх кыбартыыралаах олорор дьиэлэргэ ититиини биэриини хааччахтаабатах», — диэн этиллэр.
Бу дьиэлэр олохтоохторо дьиэ-уот усулуобуйатыгар бырааптара кэһиллэн, Дьокуускай куорат борокуратуурата ааттаммыт тэрилтэлэргэ административнай дьыаланы тэрийбит.
Матырыйааллары көрүү түмүгүнэн, буруйдаах дьону эппиэтинэскэ тардар ыстараап олохтоммут.
