Киин куорат буруо тахсыбытын төрүөтүнэн Өлүөнэ өрүс арыытыгар кураанах от умайыыта буолбут диэн Гражданскай көмүскэлгэ министиэристибэтин пресс-сулууспата иһитиннэрдэ.
Биэдэмэстибэҕэ бэлиэтээбиттэринэн, арыыга уот барбыта 15:20 чааска «ИСДМ-Рослесхоз» систиэмэнэн бэлиэтэммит.
«Нэһилиэнньэҕэ куттал суох. Өрүс уута уот куоракка тарҕанарын мэһэйдиир. Умуруоруу үлэтэ тохтууругар тиийдэ. Миэстэҕэ патрульнай бөлөхтөр – үс киһи уонна биир тиэхиньикэ – үлэлииллэр, кытылтан көрүү-истии үлэтэ барар. Күүстэри куттала суохтук көһөрөр техническэй кыах баар буолла эрэ, уоту умуруоруохтара. Балаһыанньа хонтуруолга ылылынна», – диэн министиэристибэҕэ иһитиннэрдилэр.
Хаартыска: Семен Аммосов / «Саха» НКИХ
