Тохсунньу 1-14 күннэригэр киин куоракка уопсайа 309 оҕо күн сирин көрдө. Бу туһунан СӨ Доруобуйа харыстабылын министиэристибэтин пресс-сулууспата иһитиннэрэр.
167 уол оҕо уонна 142 кыыс оҕо. Эргэ Саҥа дьылга 47 оҕо төрөөтө.
«Үүммүт сыл икки бастакы нэдиэлэтигэр өрөспүүбүлүкэтээҕи клиническэй балыыһа Перинатальнай киинигэр 212 оҕо күн сирин көрдө: 118 уол уонна 94 кыыс. Ол иһигэр Эргэ Саҥа дьылга — тохсунньу 13-тэн 14 күнэ үүнүүтэ 37 оҕо күн сиригэр кэллэ», — диэн иһитиннэриигэ этиллэр.
Ол курдук, 1 №-дээх өрөспүүбүлүкэтээҕи балыыһа Перинатальнай киинигэр — Медицинэ национальнай киинигэр бу кэмҥэ 97 оҕо күн сирин көрдө: 49 уол уонна 48 кыыс. Эргэ Саҥа дьылга уон кырачаан күн сиригэр кэллэ.
