Өрөспүүбүлүкэ киинигэр кэлэр нэдиэлэҕэ коронавируһу утары «Спутник Лайт» вакцина баартыйата кэлиэҕэ.
Бу туһунан Саха сирин Ил Дархана Айсен Николаев «Россия 24» ханаалга иһитиннэрдэ.
«Билигин ревакцинация тэтимнээхтик бара турар, сорох балыыһаларга “Спутник Лайт”бүппүт. Мин вице-премьер Татьяна Голиковаттан өрөспүүбүлүкэни вакцинанан хааччыйарга көрдөстүм. Кэлэр нэдиэлэҕэ бу боппуруоһу быһаарыахпыт диэн эрэнэбин», – диэтэ кини.
Өрөспүүбүлүкэ салайааччыта уһун өрөбүллэр кэмнэригэр вакцинация пууннарыгар сылдьыбытын туһунан кэпсээтэ.
«Сорох пууннарга дьон быһыыны ылыахтааҕын туһунан элбэх докумуону толорор буолан уочарат үөскээбитэ. Ол иһин көмөҕө волонтердары үлэлэтэргэ доруобуйа харыстабылын тэрилтэтин соруйдум», – диэн Айсен Николаев эттэ.
